"Xocalıya ədalət" adlı tədbir keçirildi
26 fevral 2019-cu il tarixində məktəbimizdə Xocalı soyqırımının 27-ci ildönümünə həsr olunan "Xocalıya ədalət" adlı tədbir keçirildi.Məktəbin ingilis dili müəllimi Mahmudova Ləman müəllim tərəfindən təşkil edilən tədbirdə məktəbin direktoru Rüstəmova Günay, təlim-tərbiyə işləri üzrə direktor müavini İsfəndiyarova Esmira, müəllim və şagirdlər iştirak etdilər.
Tədbir Azərbaycan Respublikasının Dövlət himninin səslənməsi ilə başlayıb.
Xocalı qurbanlarının əziz xatirəsi bir dəqiqəlik sükutla yad edilib.
Daha sonra şagirdlər Xocalı soyqırımına həsr olunan şeirlərlə çıxış etdilər.
Azərbaycanın Milli Qəhrəmanı Əlif Hacıyevin Xocalının müdafiəsi uğrunda gedən döyüşdə misilsiz qəhrəmanlığını əks etdirən səhnəcik, o cümlədən videoçarx nümayiş olundu.
