"Ana dilimizi qoruyaq" adlı tədbir keçirildi
21 fevral 2019-cu il tarixində məktəbimizdə 21 fevral - Beynəlxaq Ana dili Günü münasibətilə bir sıra tədbirlər keçirildi.
Məktəbin Azərbaycan dili və ədəbiyyat müəllimi Həsənova Almara tərəfindən təşkil olunan "Ana dilimizi qoruyaq" adlı tədbirdə məktəbin 7b sinif şagirdləri fəal iştirak etdilər.
Tədbirdə məktəbin direktoru Rüstəmova Günay, təlim-tərbiyə işləri üzrə direktor müavini İsfəndiyarova Esmira, məktəbin psixoloqu Qasımlı Məlahət iştirak ediblər.
Tədbir Azərbaycan Respublikasının Dövlət himninin səslənməsi ilə başladı.
Daha sonra tədbirin aparıcısı məktəbin 7b sinif şagirdi Məhərrəmova Nübar 21 fevral-Beynəlxalq Ana dili Gününün qeyd olunmağa başlandığı tarix haqqında qısa məlumat verərək Azərbaycan dilinin zənginliyi haqqında məruzə etdi. Daha sonra 7b sinif şagirdləri Ana dilinə həsr olunan şeirlər söylədilər, o cümlədən "Ana dilimiz-milli sərvətimiz" mövzusunda səhnəcik və rəqs kompozisiyasını nümayiş etdirdilər.
Tədbirin sonunda şagirdlər birgə olaraq musiqisini Azərbaycanın məşhur bəstəkarı Emin Sabitoğlunun bəstələdiyi "Şirin dil" adlı musiqini ifa etdilər.
