Bu gün Milli Qəhrəman Mübariz İbrahimovun doğum günüdür
Bu gün Azərbaycanın Milli Qəhrəmanı Mübariz İbrahimovun doğum günüdür.
Bu gün məktəbimizdə birinci və ikinci növbənin dərsləri başlamadan öncə müəllim və şagirdlər tərəfindən canını Vətən uğrunda verərək, şəhidlik zirvəsinə ucalmış Mübariz İbrahimovun əziz xatirəsi bir dəqiqəlik sükutla yad edildi.
Məktəbimizin 4a sinfində də Azərbaycan Milli Ordusunun giziri İbrahimov Mübariz Ağakərim oğlunun əbədi xatirəsi yad edilib. 4a sinfinin sinif rəhbəri, həmçinin məktəbin təlim-tərbiyə işləri üzrə direktor müavini Esmira İsfəndiyarova şagirdlərə Mübariz İbrahimovun hərbi xidmətdən öncəki həyatı, malik olduğu xarakteri, eyni zamanda onun vətənə olan sevgisi haqqında məlumat verdi. Eyni zamanda şagirdlər Azərbaycanda qəhrəmanlıq salnaməsi yazmağı bacaran igidlər, şəhidlər karvanına qoşulan Mübariz İbrahimov haqqında slayd materialı izlədilər.
Sonda 4a sinfinin sinif rəhbəri və şagirdləri Milli Qəhrəman Mübariz İbrahimovun ruhuna dua edərək, Allahdan rəhmət dilədilər.
