Diplomların təqdimatı keçirildi
25 yanvar 2019-cu il tarixində 2018-2019-cu tədris ilinin I yarımilinin dekabr və yanvar aylarında məktəbdaxilində keçirilən müsabiqələrin nəticələrinə görə fərqlənən şagirdlərə diplomların təqdim olunması münasibəti ilə tədbir keçirildi.
Tədbirdə məktəb rəhbərliyi, müəllimlər, V-XI sinif şagirdləri, o cümlədən valideynlər iştirak etdilər.
Tədbirdə ilk öncə məktəbin direktoru Günay Rüstəmova I yarımilin yekunlarına dair hesabat xarakterli məlumat verdi.
Daha sonra G.Rüstəmova tərəfindən 22 dekabr 2018-ci il tarixində Mehdi Hüseynzadənin anadan olmasının 100 illik yubileyinə həsr olunmuş "Dama" turnirində yarışan komandalar və şəxsi oyun nəticələrinə görə yer tutan şagirdlərə diplomlar təqdim olundu.
Qeyd edək ki, yarışda komanda olaraq birinci yeri tutan 6a sinif şagirdləri Ağayev Elvin, Həsənli Əli, Nağıyev Mahir, Mustafayeva Nəzifə, Qarayeva Lalə, İsgəndərli Şəbnəm diplomla mükafatlandırılaraq təbrik edildi.
Eyni zamanda, 20 Yanvar faciəsinin 29-cu ildönümünə həsr olunan məktəbdaxili şeir və rəsm müsabiqələrinin nəticələrinə görə fərqlənən şagirdlərimiz də təltif olundu.
Şeir müsabiqəsinin nəticələrinə görə birinci yeri tutan 9a sinif şagirdi Məhərrəmli Aminə, o cümlədən 6c sinfindən Dünyamalıyeva Könül, 7a sinfindən Kərimov Nihat, Musayeva Nəzrin, Əlişov Hüseyn, 7c sinfindən Yunuslu Gülşən, 8a sinfindən Əliyev Səid, 9b sinfindən Məhərrəmli Aminə, Əliyeva Məryəm,Yusifzadə Aysu fərqlənərək diplomlarla mükafatlandırıldı.
Rəsm müsabiqəsinin nəticələrinə görə isə 5a sinfindən Gülməmmədli Nuray, Quliyev Ramil, Hüseynova Fatimə, Məmmədov Elcan, 5b sinfindən Əhədli Fatimə, 6a sinfindən Seyfullayeva Rumiyyə, 6c sinfindən Paşazadə Nihad,Qasımov Nihat, 7a sinfindən Mahmudlu İlknur, 7 b sinfindən İmanov İsmayıl, həmçinin, həm rəsm, həm də şeir müsabiqəsinə görə 6a sinfindən Həsənli Əli, 7b sinfindən İlyasova İnci diplomlarla təltif edildi.
Sonda məktəb rəhbərliyi şagirdlərimizi bir daha təbrik edərək, onlara ikinci yarımildə daha böyük nailiyyət qazanmağı və dərslərində uğurlar arzu etdi.
