Riyaziyyat fənni üzrə böyük summativ qiymətləndirmə keçirilib
22 yanvar 2019-cu il tarixində məktəb rəhbərliyi tərəfindən tərtib olunan cədvələ uyğun olaraq, birinci növbənin VI-XI, ikinci növbənin isə IV və V siniflərində Riyaziyyat fənni üzrə böyük summativ qiymətləndirməyə (BSQ) keçirildi.
Azərbaycan Respublikasının Təhsil Nazirliyinin 28 dekabr 2018-ci il tarixli 8/1 nömrəli Kollegiya Qərarı ilə təsdiq edilmiş ümumi təhsil pilləsində təhsillalanların attestasiyasının aparılması Qaydasına əsasən, məktəbimizdə böyük summativ qiymətləndirmə ibtidai təhsil səviyyəsində 45, ümumi orta və tam orta təhsil səviyyəsində 45-90 dəqiqə ərzində aparıldı.
Qeyd edək ki, 21 yanvar 2019-cu il tarixində qeyd olunan siniflərdə Azərbaycan dili fənni üzrə yarımilin ilk böyük summativ qiymətləndirməsi keçirilib.
