20 Yanvar faciəsinin 29-cu ildönümü ilə əlaqədar "Dəyirmi masa" keçirildi
Bakı Şəhəri üzrə Təhsil İdarəsinin 20 Yanvar faciəsinin iyirmidoqquzuncu ildönümünün keçirilməsi ilə bağlı 10 yanvar 2019-cu il tarixli F-05№-li əmri ilə təsdiq edilmiş Tədbirlər Planına uyğun olaraq 16 yanvar 2019-cu il tarixində məktəbimizdə 20 Yanvar faciəsinin 29-cu ildönümü ilə əlaqədar "Dəyirmi masa" keçirildi.
Tədbirdə öncə 20 Yanvar şəhidlərinin xatirəsi bir dəqiqəlik sükutla yad edildi.
Vətənpərvərlik mövzusunda keçirilən "Dəyirmi masa"da məktəbin direktoru Rüstəmova Günay, təlim-tərbiyə işləri üzrə direktor müavini İsfəndiyarova Esmira, Azərbaycan dili müəllimləri Həsənova Almara, Kərimova Ülviyyə,ingilis dili müəllimi Mahmudova Ləman, 9a sinif şagirdləri və məktəbimizə 9a sinfinin sinif rəhbəri Hacıyeva Səadət tərəfindən xüsusi dəvət olunmuş rejissor,o cümlədən ssenarist, şair, aktyor olan Mahmudov Kənan Mahmud oğlu (Kənan MM) iştirak etdilər.
Şagirdlərimiz Kənan MM ilə vətənpərvərlik mövzusunda maraqlı disskusiya apardılar.
Onu da qeyd edək ki, azərbaycanlı rejissor və aktyor Kənan MM qardaş ölkə Türkiyənin məşhur "Savaşçı" serialında Azərbaycan zabitini canlandırır.
Eyni zamanda, tədbirdə həmin serialdan video görüntülər izlənildi.
Disskusiyanın sonunda məktəb rəhbərliyi dəvəti qəbul edib, dəyərli zamanını ayıraraq tədbirdə iştirak etdiyi üçün rejissor və aktyor Kənan MM-ə hər kəsin adından təşəkkürünü bildirdi və ona məktəbimizin təsviri incəsənət müəllimi Aynur müəllim tərəfindən çəkilmiş aktyorun fotoportreti hədiyyə olaraq təqdim olundu.
Sonda rejissorla xatirə şəkilləri çəkildi.
Əminik ki, qeyd olunan filmdə Azərbaycan zabitini canlandırmaqla bizləri və Vətənimizi təmsil edən aktyorla görüş şagirdlərimiz üçün stimul olacaqdır.
Tədbirin təşkilatçılarına təşəkkürümüzü bildiririk.
