"Bədii qiraət" dərnəyinin üzvləri "Sevgi dolu baxışlar"adlı görüşdə iştirak ediblər
26 dekabr 2018-ci il tarixində məktəbin "Bədii qiraət" dərnəyinin üzvləri "Sevgi dolu baxışlar" adlı görüşdə iştirak ediblər. Azərbaycanın görkəmli şairi,o cümədən publisisti Nüsrət Kəsəmənlinin anadan olmasının 73-cü ildönümü münasibətilə "Azərkitab" Kitab Təbliğatı Mərkəzində təşkil olunmuş görüşdə mərhum şairin oğlu aktyor, eyni zamanda şair Rəşad Kəsəmənli və onun ailəsi,məktəbimizin direktoru Günay Rüstəmova, qeyd olunan dərnəyin rəhbəri, Azərbaycan dili və ədəbiyyat müəllimi Almara Həsənova, 9a sinfinin sinif rəhbəri Səadət Hacıyeva, biologiya müəllimi Esmira İbrahimova iştirak ediblər.
Tədbirdə ilk öncə mərhum şairin əziz xatirəsi bir dəqiqəlik sükutla yad edildi. Daha sonra şagirdlər tərəfindən sevimli şair Nüsrət Kəsəmənlinin əsasən, məhəbbət mövzusunda qələmə aldığı şeirləri səsləndi.
Daha sonra Rəşad Kəsəmənli şagirdləri maraqlandıran müxtəlif sualları səmimi olaraq cavablandırdı.Məktəbin direktoru G.Rüstəmova,dərnək rəhbəri A.Həsənova ayrı-ayrılıqda çıxışları zamanı R.Kəsəmənliyə bu tədbirə dəvəti qəbul etdiyi üçün dərin minnətdarlıqlarını bildirdilər.Tədbirin sonunda S.Hacıyeva R.Kəsəmənliyə və onun ailəsinə təşəkkürünü bildirərək şagirdlərin adından kiçik hədiyyə təqdim etdi.
Sonda tədbir iştirakçıları ilə xatirə şəkilləri çəkildi.
