Şəhidlərimizi qürurla anırıq!
Anım günü ərəfəsində məktəbin təlim-tərbiyə işləri üzrə direktor müavini Səidə Ağamalıyeva, ingilis dili müəllimi Nigar Talıbovanın rəhbərliyi ilə 8 "B" sinif şagirdləri Qala qəsəbəsində yerləşən qəbiristanlığında şəhid məzarlarını ziyarət ediblər.
Ziyarət zamanı Azərbaycanın ərazi bütövlüyü uğrunda canından keçmiş Vətən oğullarının xatirəsi yad edilərək məzarları üzərinə güllər düzülüb.
Eyni zamanda, Vətən müharibəsi şəhidlərindən Muxtar Qasımlının məzarı önündə şəhidin anası Almaz xanım Qasımova ilə söhbət zamanı o, hər bir şəhidin indiki və gələcək nəsillərə örnək olmasını, torpaqlarımızı daima sevib, qorumaqda borclu olduğunu vurğulayaraq, şəhidlərimizi ehtiramla yad etdikləri üçün müəllim və şagirdlərə təşəkkürünü bildirdi.
