Müəllimimiz Fəxri Fərmanla təltif olunub
Sentyabrın 11-də Bakı Şəhəri Təhsil İşçilərinin Sentyabr Konfransı keçirilib.
Konfransda Elm və təhsil naziri Emin Əmrullayev, Bakı Şəhəri üzrə Təhsil İdarəsinin müdiri Mehriban Vəliyeva, millət vəkilləri, ali məktəb rektorları, ictimaiyyət nümayəndələri, nazirliyin və BŞTİ-nin sektor bölmə rəhbərləri, məktəb direktorları, müəllimlər, KİV nümayəndələri iştirak ediblər.
Məktəbimizin fizika müəllimi Almaz Hacıyeva da təltif olunanlar sırasında idi.
Belə ki, Almaz müəllimə Şagirdləri Respublika Fənn Olimpiadalarında qalibiyyət qazandığına görə Fəxri Fərmanla təltif olunub.
Almaz müəllimi məktəbin pedaqoji kollektivi adından səmimi qəlbdən təbrik edir, uğurlarının davamlı olmasını diləyirik.
