Akademik, Zərifə xanım Əliyevanın 100 illiyi qeyd olunub
Gözünün nurunu verdi gözlərə
Qəlblərə ziyasan, Zərifə xanım!
Aprelin 18-də məktəbimizdə görkəmli oftalmoloq alim akademik Zərifə xanım Əliyevanın anadan olmasının 100 illiyi ilə əlaqədar tədbir keçirilib.
Tədbir məktəbin direktoru Xəyalə Qasımovanın "Azərbaycan tibb elmində silinməz izlər qoymuş, səhiyyəmizə böyük töhfələr vermiş akademik Zərifə xanım Əliyevanı xatırlayanda göz önündə mənəvi kamilliyin ən uca zirvəsi dayanır. Yüksək intellekt və mədəniyyət, dərin bilik, insanpərvərlik,vətənə məhəbbət və xeyirxahlıq kimi keyfiyyətlər Zərifə xanım portretini tamamlayan əsas cizgilərdir" kimi fikirləri ilə açıq elan edilib. Azərbaycan dili və ədəbiyyat müəllimi Cəfərli Ayşən Zərifə Əliyevanın həyat və fəaliyyəti haqqında şagirdlərə məlumat vermişdir.
Tədbirin bədii hissəsində Sevil Əliyevanın Zərifə xanım Əliyevaya həsr etdiyi "Ana" mahnısı və şeirlər dinlənilib.Tədbir akademik Zərifə Əliyevanın həyat və fəaliyyətindən bəhs edən sənədli filmin nümayişi ilə başa çatdırılıb.
Böyük alimin əziz xatirəsi xalqımızın qəlbində yaşayır və yaşayacaqdır!
