20 Yanvar faciəsinə həsr olunmuş silsilə tədbirlər keçirildi
20 Yanvar faciəsindən 33 il ötür.
20 Yanvar faciəsinin otuz üçüncü ildönümü ilə əlaqədar məktəbimizdə silsilə tədbirlər keçirildi.
Siniflərdə xüsusi dərslər keçirildi.
Məktəb rəhbərliyinin də iştirak etdiyi dərslərdə şəhidlərimizin əziz xatirəsi bir dəqiqəlik sükutla yad edilib. Müəllimlər şagirdlərə 20 Yanvar faciəsi və bu faciənin tariximizdə qoyduğu izlər barəsində məlumat verdilər. Şagirdlər 20 Yanvarla bağlı çəkdikləri şəkilləri, təqdimatları təqdim etdilər. Eləcə də, onların ifasında ədəbi-bədii kompozisiya nümayiş olundu, 20 Yanvara həsr olunmuş şeirlər söylənildi, məktəbin dəhlizində, o cümlədən, siniflərdə Qanlı yanvar faciəsinin qurbanlarının xatirəsi ilə əlaqədar qurulan guşənin önünə qərənfillər düzülüb.
Allah bütün şəhidlərimizə rəhmət etsin!
