20 Yanvar faciəsinin otuz üçüncü ildönümünə həsr olunan xüsusi dərslər
18 yanvar 2023-cü il tarixində 20 Yanvar faciəsinin otuz üçüncü ildönümü münasibətilə məktəbin 6"C" sinfində musiqi müəllimi Nigar Tağıyevanın təşkilatçılığı ilə nümunəvi dərs keçirilib.
Dərsdə məktəbin psixoloqu Məlahət Qasımlı, o cümlədən coğrafiya müəllimi Fidan Əbdüləlizadə də iştirak edib.
Dərsdə öncə Azərbaycanın azadlığı uğrunda canından keçən Vətən övladlarının əziz xatirəsi bir dəqiqəlik sükutla yad edilib.
Dərs zamanı şagirdlərə 20 Yanvar hadisələri barədə geniş məlumat verilib, onlara həmin tarixi günün Azərbaycan xalqı üçün necə böyük əhəmiyyət daşıdığından bəhs olunub.
Şagirdlər tərəfindən hazırlanmış Qanlı Yanvar gecəsinə həsr olunan videoçarx izlənildikdən sonra, onların çıxışları dinlənildi.
