Zəfər Günü qeyd olundu
4 noyabr 2022-ci il tarixində məktəbdə "Zəfər Günü" adlı ədəbi-bədii kompozisiya nümayiş olundu. Tədbirdə məktəb rəhbərliyi, məktəbə dəvət olunan bir qrup Vətən müharibəsi qaziləri, şagirdlər iştirak edib.
Tədbir Azərbaycan Respublikasının Dövlət himninin səsləndirilməsi ilə başlayıb. Azərbaycanın müstəqilliyi, ərazi bütövlüyü uğrunda şəhid olanların əziz xatirəsi bir dəqiqəlik sükutla yad edilib.
Tədbirdə şagirdlərin söylədikləri hər bir şeirdə, ifa etdikləri mahnıda vətən sevgisi, qələbə sevinci, qürur və iftixar hiss olunurdu.
Tədbirin sonunda məktəbin direktoru Xəyalə Qasımova "Zəfər Günü" münasibətilə hər kəsi təbrik edib, qazilərə isə bu günki tədbirlərdə iştirak etdikləri üçün dərin minnətdarlığını bildirdi.
Sonda qazilərlə xatirə şəkilləri çəkilib.
