Yeni dərs ilinə başlanıldı
Sentyabrın 15-də respublikamızın bütün ümumtəhsil məktəblərində olduğu kimi, məktəbimizdə də yeni dərs ilinə başlanıldı.
Yeni tədris ilinin ilk günü olan "Bilik günü"nə Azərbaycan Respublikasının Dövlət himninin səslənməsi ilə başlanılıb.
Daha sonra Azərbaycanın müstəqilliyi, ərazi bütövlüyü uğrunda canlarından keçən bütün şəhidlərin, eləcə də, sentyabrın 12-si gecə 13-ü səhər saatlarında ermənilərin Azərbaycanın dövlət sərhədlərində genişmiqyaslı təxribatının qarşısını alarkən şəhid olmuş Vətən oğullarımızın ruhu bir dəqiqəlik sükutla yad olundu.
Məktəbin direktoru Xəyalə Qasımova, müəllimləri şagirdləri salamlayaraq yeni tədris ilində hər kəsə uğurlar arzuladı.
Azərbaycan Respublikası Elm və Təhsil Nazirliyinin qərarına əsasən yeni tədris ilinin ilk dərsləri "Qarabağ Azərbaycandır!" mövzusuna həsr edilib.
