Beynəlxalq Biomüxtəliflik Günü qeyd olundu
22 may-Beynəlxalq Biomüxtəliflik Günü münasibətilə mayın 20-də məktəbin 10 a sinfində "Biomüxtəliflik və onun qorunması yolları" mövzusunda dərs keçirilib.
İlk öncə məktəbin biologiya müəllimi İbrahimova Esmira biomüxtəlifliyin qeyd olunma tarixindən, ölkəmizdə ətraf mühitin mühafizəsi istiqamətində, zəngin biomüxtəlifliyin qorunması və bərpası istiqamətində həyata keçirilən məqsədyönlü tədbirlərdən danışıb.
Bildirib ki, Biomüxtəliflik Gününün qeyd edilməsində əsas məqsəd dünyanın diqqətini təbii və antropogen faktorların təsirinə məruz qalan biomüxtəlifliyin qorunmasına yönəltməkdir. Hər il bir deviz altında qeyd edilən bu günün cari ildəki şüarı “Bütün canlılar üçün ortaq gələcək qurmaq”dır.
Daha sonra 10 a sinif şagirdlərinin
ölkəmizdə təbiəti mühafizə və təbii ehtiyatlardan səmərəli istifadəsi, təbiətin qorunması sahəsində atılan mühüm praktiki addımlar bioloji müxtəlifliyin qorunması baxımından böyük əhəmiyyət kəsb etməsi haqqında çıxışları dinlənildi.
