Ümummilli lider Heydər Əliyevin anadan olmasının 99-cu ildönümüdür
Ulu öndər Heydər Əliyevin anadan olmasının 99-cu ildönümü münasibətilə məktəbin X-Xl sinif şagirdləri təqdimatla çıxış ediblər.
Tədbirdə iştirak edən məktəbin direktoru Xəyalə Qasımova çıxışı zamanı ulu öndər Heydər Əliyevin mənalı və şərəfli ömür yolunun parlaq səhifələri xalqımızın yaxın tarixi keçmişi ilə ayrılmaz vəhdət təşkil etdiyini vurğuladı. Məktəbin tərbiyə işləri üzrə direktor müavini Məlahət Qasımlı çıxışı zamanı qeyd etdi ki, ümummilli lider Heydər Əliyev siyasi fəaliyyətinin bütün mərhələlərində Vətənə, xalqa, torpağa sonsuz məhəbbət və sədaqət hissi, qurub yaratmaq amalı ilə yaşamışdır.
Məktəbin tarix müəllimi Aynur Həsənova isə çıxışı zamanı əbədiyaşar lider Heydər Əliyevin bütün mənalı və zəngin həyatı boyu daim xalqını, Vətənini düşünmüş, Azərbaycanın ən çətin məqamlarında onun üzləşdiyi faciələrdən, çətinliklərdən xilas etmək üçün misilsiz fədakarlıqlar göstərmiş, təbiətin bəxş etdiyi bir çox fitri keyfiyyətlər sayəsində hadisələrin inkişaf məcrasını qabaqcadan müəyyən edə bildiyini qeyd etdi.
