"Bahar çələngi" adlı tədbir keçirildi
Martın 16-da məktəbimizdə
"Bahar çələngi" adlı tədbir keçirildi.
Tədbir Azərbaycan Respublikası Dövlət himninin səsləndirilməsi ilə başladı.
Çıxış üçün ilk söz məktəbin direktoru Xəyalə Qasımovaya verildi.
O, çıxışı zamanı tədbir iştirakçılarını xalqımızın qədim tarixini əks etdirən, milli adət və ənənələri özündə birləşdirən Novruz bayramı münasibəti ilə səmimi qəlbdən təbrik etmiş, o cümlədən hər kəsin ailəsinə ruzi-bərəkət, bol sevinc, gözəl əhval-ruhiyyə arzu etmişdir.
Daha sonra Novruz bayramının tarixi, su, od, yel və torpaq çərşənbələrinin mahiyyəti, Novruz atributları haqqında şagirdlərin çıxışları dinlənilmiş, o cümlədən onlar baharın təravətli nəfəsini özü ilə gətirən Novruz bayramına aid şeirlər səsləndirib, kollektiv və fərdi olaraq musiqilər ifa etmiş, maraqlı səhnəciklər, rəqslər nümayiş etdirmişlər.
Bayram şənliyi tonqal ətrafında yallı rəqsi ilə başa çatıb.
