Əfsanəvi partizan Əhmədiyyə Cəbrayılov haqqında "Dəyirmi masa" keçirildi
Martın 10-da məktəbin kitabxanasında Azərbaycan xalqının mərd oğlu, İkinci dünya müharibəsi dövründə antifaşist Fransa Müqavimət hərəkatının görkəmli nümayəndəsi, əfsanəvi partizan Əhmədiyyə Mikayıl oğlu Cəbrayılov haqqında "Dəyirmi masa" keçirildi.
Məktəbin tarix müəllimi Aynur Həsənova tədbir iştirakçılarına bəşəriyyətin XX əsrdə məruz qaldığı qorxunc faşizm təhlükəsindən xilas edilməsi və nasizm üzərində qələbə çalınmasında böyük xidmət göstərmiş Əhmədiyyə Cəbrayılovun həyatından, şərəfli döyüş yolundan, göstərdiyi misilsiz şücaətlərindən bəhs etdi.
