Ümummilli lider Heydər Əliyevin anadan olmasının 98-ci ildönümü münasibətilə tədbir keçirildi
6 may 2021-ci il tarixində məktəbin 5 "c" sinfində ümummilli lider Heydər Əliyevin anadan olmasının 98-ci ildönümü münasibətilə Microsoft Teams platforması üzərində onlayn olaraq tədbir keçirilib.
Tədbir Azərbaycan Respublikasının Dövlət himninin səsləndirilməsi ilə başlayıb.
Məktəbin Azərbaycan dili və ədəbiyyat müəllimi Günel Hacıyeva tərəfindən təşkil olunan tədbirdə məktəbin təlim-tərbiyə işləri üzrə direktor müavini Aybəniz Orucova da iştirak edib.
Müəllimlər tərəfindən şagirdlərə Heydər Əliyevin keçdiyi işıqlı həyat yolu haqqında geniş məlumat verilmiş, dahi liderin şagirdlərə, elmə, təhsilə ayırdığı xüsusi diqqət və qayğıdan danışılmışdır. Daha sonra isə sinif şagirdləri dahi lider Heydər Əliyev haqqında hazırladıqları tədbiri onlayn şəkildə təqdim etmişlər.
