"Çin çıxan yuxu" adlı tədbir keçirilib
02.04.2021-ci il tatixində məktəbin 4 "a" sinfində "Çin çıxan yuxu" adlı tədbir keçirildi. Tədbir 1992-1993-cü ildə işğal olunmuş rayonlarımıza həsr edilmişdir.
İbtidai sinif müəllimi Gülyaz Nəsibovanın təşkilatçılığı ilə keçirilən tədbirdə məktəbin direktoru Arizə Mahmudova, Uşaq birliyinin rəhbəri Suğra Quliyeva iştirak ediblər.
Tədbirdə Aprel şəhidlərinin də xatirəsi yad edildi.
4a sinif şagirdləri 2ci sinifdə oxuyan zaman "Yuxudan ayrılmazdın kaş" adlı tədbirin davamı olaraq "Çin çıxan yuxu" adlı tədbir keçiriblər.
2 il öncə həmin şagirdlər tərəfindən nümayiş olunan səhnəcikdə Qoca nurani baba yuxuda olarkən vətən həsrəti ilə Qarabağı seyr edirmiş. Onu oyadan nəvəsi ona söz vermişdi ki, vaxt gələcək torpaqlarımız Ali baş komandanımız cənab İlham Əliyevin və Rəşadətli Ordumuz sayəsində işğaldan azad ediləcək və bu sevincli xəbəri özüm sənə çatdıracağam. 2 ilin sonunda nəvə sözünün arxasında duraraq babanın yuxusunu çin etmişdir.
