4 "a" sinfinə şəhid adı verildi
5 mart 2021-ci il tarixində məktəbin 4 "a" sinfində İkinci Qarabağ müharibəsində şəhid olan Vətənin qəhrəman oğullarına həsr olunmuş "Qanları ilə tarix yazanlar" adlı tədbir keçirilmişdir.
4 "a " sinfinin sinif rəhbəri ibtidai sinif müəllimi Gülyaz Nəsibova tərəfindən təşkil olunan tədbirdə məktəbin direktoru Arizə Mahmudova, təlim-tərbiyə işləri üzrə direktor müavini Aybəniz Orucova, və 4 a sinif şagirdləri iştirak ediblər.
Tədbir Azərbaycan Respublikasının Dövlət himninin səsləndirilməsi ilə başlayıb.
Tədbirdə İkinci Qarabağ müharibəsində öz vəzifə borcunu şərəf və ləyaqətlə yerinə yetirən, Vətən uğrunda canlarını qurban vermiş 22-i qəhrəman şəhidimizin timsalında bütün şəhidlərimizin xatirəsi yad edildi.
Şagirdlər şeirlər söylədi, videoçarx nümayiş etdirildi.
Şəhidlərimizin şəkilləri üzərində olan döş nişanları məktəb rəhbərliyi tərəfindən şagirdlərə təqdim edildi.
4 "a" sinfinə Tovuz rayonunun Əsrik Cırdaxan kəndində anadan olan, Xüsusi Təyinatlı Qüvvələrinin giziri şəhid Şəkərov Xəyal İman oğlunun adı verildi.
Allah bütün şəhidlərimizə rəhmət eləsin.
