Məzunumuzun uğurları
Məktəbimizin məzunu Əsgərzadə Elmin Vahid oğlu 1994-cü ildə Bakı şəhərində anadan olmuşdur. Elmin Əsgərzadə 2011-ci ildə Xəzər rayonu 323 nömrəli tam orta məktəbi yüksək nəticələrlə bitirdikdən sonra Azərbaycan Dövlət Pedaqoji Universitetinin Riyaziyyat-informatika fakültəsinə daxil olmuşdur.
Universiteti bitirdikdən sonra magistratura üzrə Azərbaycan Dövlət İqtisad Universitetinin Biznesin təşkili və idarə olunması Maliyyə üzrə ixtisasına qəbul olmuşdur. 2015-ci ildə magistratura təhsilini donduraraq hərbi xidmətə yola düşmüş və aprel döyüşlərində iştirak etmişdir.
2013-cü ildən etibarən abituriyent, YÖS, ALES və MİQ üzrə tanınmış kurslarda Riyaziyyat və məntiq üzrə dərs keçmişdir.
Hal-hazırda yüzlərlə tələbələri Türkiyənin müxtəlif Universitetlərində təhsil alır, eyni zamanda onlarla tələbəsi respublikanın bir sıra şəhər və rayonlarında müəllim kimi fəaliyyət göstərir.
2020-ci ildə Vətən müharibəsində, könüllü şəkildə Ordu sıralarına Füzuli, Cəbrayıl, Hadrut qəsəbəsi, Xocavənd və Şuşa şəhəri uğrunda gedən döyüşlərdə iştirak etmişdir.
Döyüşlərdən sonra Cənab Ali Baş Komandan İlham Əliyev tərəfindən imzalanan sərəncama əsasən "Füzulinin azad olunmasına görə" və "Cəbrayılın azad olunmasına görə" medalları ilə təltif olunmuşdur.
