"Həmrəyliyimiz əbədidir" adlı tədbir keçirildi
30 dekabr 2020-ci il tarixində "Microsoft Teams" platforması üzərindən məktəbin Uşaq Birliyi Təşkilatı rəhbəri Suğra Quliyevanın təşkilatçılığı ilə 5 "c " sinif şagirdlərinin iştirakı ilə 31 dekabr - Dünya Azərbaycanlılarının Həmrəylik Gününə həsr olunmuş "Həmrəyliyimiz əbədidir" adlı tədbir keçirildi.
Tədbir Azərbaycan Respublikasının Dövlət himninin səsləndirilməsi ilə başladı.
Daha sonra çıxış üçün ilk söz məktəbin direktoru Arizə Mahmudovaya verildi. A.Mahmudova çıxışı zamanı öncəliklə Vətən müharibəsi şəhidlərimizdən bəsh edərək onları heç bir zaman unutmayacağımızı vurğuladı. Həmrəylik gününü tarixindən söz açdıqda Ulu öndər Heydər Əliyevin rəhbərliyi ilə təyin olunan günün əhəmiyyətindən bəhs etdi. 44 günlük Vətən müharibəsi dövründə xalqımızın cənab prezidentimiz İlham Əliyevin ətrafında tək yumruq kimi birləşməsini xüsusilə vurğuladı.
Daha sonra 5 "c" sinif şagirdləri həmrəylik gününün tarixindən danışdılar, həmrəyliyə, vətənpərvərliyə aid şeirlər söylədilər. Məktəbin Uşaq Birliyi Təşkilatı rəhbəri Suğra Quliyeva çıxışı zamanı Vətən müharibəsində Ali Baş Komandan İlham Əliyevin qətiyyətli və dönməz mövqeyi, həm siyasi, həm də hərbi sahədə hər kəsə nümunə olan savad və bacarığı, şəhidlərimizin qanı, qazilərimizin canı, əsgər analarının duası, ən vacibi milli birliyimiz hesabına bu qələbəni qazandığımızı vurğuladı.
Tədbir A.Mahmudovanın müəllim-şagird kollektivini Dünya Azərbaycanlılarının Həmrəylik günü münasibətilə təbrik etməsi, qarşıdan gələn yeni təqvim ilinin ölkənin, xalqımızın adına uğurlu olmasını diləməklə yekunlaşdı.
