Əhmədiyyə Cəbrayılovun anadan olmasının 100 illiyi münasibətilə tədbir keçirilib
28 dekabr 2020-ci il tarixində Azərbaycan xalqının mərd oğlu, İkinci dünya müharibəsi dövründə antifaşist Fransa Müqavimət hərəkatının görkəmli nümayəndəsi, əfsanəvi partizan Əhmədiyyə Mikayıl oğlu Cəbrayılovun anadan olmasının 100 illiyi münasibəti ilə məktəbin 9b sinif şagirdlərinin iştirakı ilə tədbir keçirilib.
Məktəbin tarix müəllimi Həsənova Aynur müəllimin təşkilatçılığı ilə keçirilən tədbirdə şagirdlərə bəşəriyyətin XX əsrdə məruz qaldığı qorxunc faşizm təhlükəsindən xilas edilməsi və nasizm üzərində qələbə çalınmasında böyük xidmət göstərmiş Əhmədiyyə Cəbrayılovun şərəfli döyüş yolundan, göstərdiyi misilsiz şücaətlərdən bəhs edilmiş, onun təltif olunduğu mükafatlar haqqında şagirdlərə məlumatlar verilib.
