Xocalı soyqırımından iyirmi səkkiz il ötür
Fevralın 26-da 323 nömrəli məktəbdə Xocalı soyqırımının iyirmi səkkizinci ildönümü münasibətilə tədbir keçirildi.
Məktəbin Uşaq birliyi rəhbəri Suğra Quliyeva və kitabxana müdiri Vüsalə İsmayılovanın təşkilatçılığı ilə keçirilən tədbirdə məktəbin direktoru Aybəniz Orucova, fənn müəllimləri və şagirdlər iştirak ediblər. Tədbir Azərbaycanın ərazi bütövlüyü uğrunda canlarını qurban verən, o cümlədən Xocalı faciəsi şəhidlərinin əziz xatirəsi bir dəqiqəlik sükutla yad edilməklə başlayıb. Daha sonra tədbirdə iştirak edən şagirdlər Vətənə aid, torpağa aid şeirlər söyləyib, səhnəciklər nümayiş etdirmişdirlər. Tədbirin sonunda Xocalı soyqırımının iyirmi səkkizinci ildönümü münasibətilə məktəbimizdə VI-IX siniflər arasında keçirilən Şahmat turniri və rəsm müsabiqəsinin qalibləri elan olunaraq diplomlarla təltif olundular.
