Xüsusi dərs keçirildi
20 Yanvar faciəsinin otuzuncu ildönümü ilə bağlı Təhsil Nazirliyinin Tədbirlər Planına əsasən, 15 yanvar 2020-ci il tarixində 323 nömrəli tam orta məktəbin 8 "B" sinfində 20 Yanvar faciəsinin otuzuncu ildönümünə həsr olunmuş xüsusi dərs keçirildi. Məktəbin Azərbaycan dili və ədəbiyyat müəllimi Almara Həsənova tərəfindən keçirilən dərsdə məktəbin direktoru Aybəniz Orucova iştirak edib.
Dərs Azərbaycan Respublikası Dövlət himninin səsləndirilməsi ilə başlayıb. Daha sonra 20 Yanvar faciəsində şəhid olanların əziz xatirəsi bir dəqiqəlik sükutla yad edildi. Dərsdə müəllim və şagirdlərin 20 Yanvar faciəsi haqqında fikirləri səsləndi.
