"Qış sərgisi" adlı tədbir keçirildi
Dekabrın 25 -də məktəbin 4 "C" sinfində "Qış sərgisi" adlı tədbir keçirildi. 4"C" sinfinin sinif rəhbəri Tərlan Həsənli tərəfindən təşkil olunan tədbirdə şagirdlər qış fəslini əks etdirən əl işlərini nümayiş etdilər.
Sərgidə münsiflər heyəti olaraq məktəbin direktoru Aybəniz Orucova və ibtidai sinif müəllimlərindən Arifə Mahmudova,Tərlan İsmayılova, Savad Hacıyeva, Firuzə Ələkbərzadə, Karina Həsənova iştirak edib. Sərgidə iştirak edən şagirdlər öncə əl işlərinin təsviri və istifadə etdikləri materiallar haqqında sərgi iştirakçılarına məlumat verdilər.
Şagirdlərin əl işləri münsiflər heyəti tərəfindən bəyənilərək ilk üç yerə layiq görülən şagirdlər diplomla, digərləri isə tərifnamə ilə təltif olundular.
