Məhəmməd Hadinin anadan olmasının 140 illik yubileyi qeyd olundu
Azərbaycan Respublikasının Prezidenti İlham Əliyevin 5 dekabr 2019-cu il tarixində Azərbaycan ədəbiyyatının görkəmli nümayəndəsi, mütəfəkkir şair və publisisti Məhəmməd Hadinin (Ağaməhəmməd Hacı Əbdülsəlim oğlunun) anadan olmasının 140 illik yubileyinin qeyd edilməsi haqqında imzaladığı sərəncamına uyğun olaraq Xəzər rayonu 323 nömrəli tam orta məktəbdə tədbir təşkil edilib.
24 dekabr 2019-cu il tarixində keçirilən tədbir Məhəmməd Hadi yaradıcılığına həsr edilmişdir.Tədbir məktəbin Azərbaycan dili və ədəbiyyat müəllimi Almara Həsənova, məktəbin kitabxana müdiri Vüsalə İsmayılova və Uşaq birliyi rəhbəri Suğra Quliyeva tərəfindən təşkil olunmuşdur.
Tədbirdə məktəbin direktoru Aybəniz Orucova, məktəbin psixoloqu Məlahət Qasımlı, Azərbaycan dili və ədəbiyyat müəllimi Ayşən Cəfərli və riyaziyyat müəllimi Sahilə Tağıyeva iştirak edib.
Tədbirdə şərqin bədii-estetik fikir tarixinin dərin bilicisi olan bu qüdrətli qələm sahibinin, bütün istedadını doğma vətəninin mədəni tərəqqisi uğrunda mübarizyə həsr etmiş şeirləri məktəbin VII-VIII sinif şagirdlərinin ifasında səsləndirilmişdir.
