Valideynlərimiz məktəbdə
12 oktyabr 2019- cu il tarixində məktəbimizdə bütün siniflər üzrə valideyn iclasları keçirilmişdir. Sinif iclaslarında məktəb rəhbərliyi, fənn müəllimləri və sinif rəhbərləri iştirak etmişlər. Valideynlər ümumi iclasda və fərdi şəkildə dinlənilmiş, onların arzu, təklif və iradları qeyd olunaraq müzakirə olunmuşdur. Valideynlərin məktəblə əlaqəsi nə qədər sıx olarsa şagirdlərin təlim və tərbiyəsində öz müsbət nəticəsini göstərər. Ümumiyyətlə, valideynlərimizlə görüş təkcə valideyn iclasları ilə kifayətlənmir, istənilən valideyn istədiyi vaxt məktəb rəhbərliyi və sinif rəhbəri ilə görüşə bilir.
