Məktəbdə valideyn günü
Məktəb həyatını, bütövlükdə məktəbin müəyyən edilmiş hədəflərə istiqamətini " məktəb- valideyn" , " müəllim- şagird", məktəb- müəllim- valideyn" əlaqələrinin qarşılıqlı əməkdaşlığı olmadan təsəvvür etmək mümkün deyildir. Hər ay olduğu kimi aprel ayının 20- si məktəbimizdə "Valideyn günü" elan edilmişdir. Siniflər üzrə valideyn iclasları keçirilmiş, məktəb rəhbərliyi, sinif rəhbərləri və fənn müəllimləri tərəfindən valideynlərin bütün təklif və iradları yerindəcə cavablandırılmışdır. Valideynlərə övladları ilə bağlı bütün məlumatlar verilmiş, onların sosial şəbəkələrdən, zərərli vərdişlərdən uzaq tutmaq, asudə vaxtlarına mütəmadi nəzarət etmək tövsiyə olunmuşdur.
