Ulu bir sərkərdə, ulu bir öndər
Dünya ölkələrində, Respublikamızın hər yerində olduğu kimi məktəbimizdə də Ümummilii lider Heydər Əliyevin anadan olmasının 95 illiyinə həsr olunmuş silsilə tədbirlər keçirilir. 10 may 2018- ci il tarixində "Ulu bir sərkərdə, ulu bir öndər" adlı ədəbi- bədii gecə keçirilmişdir. Hər zaman dövlətçilik haqqında danışanda ağlımıza nümunə kimi gələn ilk insanlardan biri də Heydər Əliyevdir. Bizim tariximizdə əvəzsiz rolu olan görkəmli dövlət xadimi Heydər Əliyev şəxsiyyətinin dahiliyi təkcə onun siyasi xadim olmağı ilə bitmir. O, dünya siyasətçisi, əvəzolunmaz lider olmaqla yanaşı, həm də gözəl insan idi. O, böyüklərə qarşı nə qədər tələbkar olsa da, uşaqlara qarşı son dərəcə nəvazişli və mərhəmətli idi. O, uşaqları hədsiz dərəcədə çox sevir, hər birinə öz balası kimi yanaşırdı. Biz hər birimiz Azərbaycan Respublikasının vətəndaşı olaraq Heydər Əliyevə rəhmət diləməli, ölkəmizin hər uğurlu irəliləyişində onun adını hörmətlə anmalıyıq. Çünki xalq bacaranları unutmur.
