Mən müəllimdən yüksək ad tanımıram
5 oktyabr – Beynəlxalq Müəllimlər günüdür. Müəllimlər günü YUNESKO-nun qərarı ilə 1966-cı ildən bayram olunur. Həmin il təşkilat tərəfindən müəllimlərin statusunun artırılması ilə bağlı tövsiyə xarakterli sənəd də qəbul edilib. Ölkəmizdə müəllimlər günü 1993-cü ildən qeyd edilməyə başlanıb. 5 oktyabr 2017- ci il tarixində məktəbimizdə də Beynəlxalq Müəllimlər Gününə həsr olunmuş ədəbi- bədii gecə keçirilmişdir. Şagirdlər rəqsləri, mahnıları, söylədikləri şeirlərlə müəllimləri təbrik etmişlər. Tarix boyu müəllimlərə həmişə yüksək qiymət verilmişdir. Ən yüksək qiyməti isə Ümummilli Lider Heydər Əliyev vermişdir.“Hər birimizdə müəllimin hərarətli qəlbinin bir zərrəciyi var. Mən dünyada müəllimdən yüksək ad tanımıram”
