SON ZƏNG TƏDBİRİ
Hər bir tədris ilinin sonunda Azərbaycan Respublikasının Təhsil Nazirinin müvafiq əmrinə əsasən məktəblərdə “ Son zəng ” tədbiri keçirilir.
Məktəbimizdə 5 sinif üzrə 158 şagird təhsilini başa vurdu. Bütün məktəblərdə olduğu kimi bizim məktəbimizdə də “ Son zəng ” tədbirinə müəllimlər və şagirdlər cəlb olunmuşdular.
Müəllim Vüsalə Xəlilovanın təşkilatçılığı ilə məktəbimizdə təntənəli “ Son zəng ” tədbiri hazırlanıb keçirilmişdir. Məzunlar tərəfindən mahnı və rəqs kompozisiyaları hazırlanmışdı. Şagirdlərimizin hazırladıqları ədəbi - bədii kompozisiyalar bütün müəllimlərin, validenlərin, qonaqların xüsusi diqqətini çəkmişdir.
“ Son zəng ” tədbirində bir çox qonaqlar iştirak etmişlər. Tədbir Azərbaycan Respublikasının Dövlət Himni ilə başlamış, şəhidlərimizin ruhu 1 dəqiqəlik sükutla yad edilmişdir. Çıxış edənlərin hər biri məzunlara gələcək həyatlarında uğurlar arzulamışlar.
“ Son zəng ” tədbirinə yekun vuran məktəbimizin direktoru Rövşən Qasımov məzunlara sərbəst həyatlarında gözəl günlər arzulamışdır. Ali və orta ixtisas məktəblərində təhsil almaq istəyən məzunlara uğurlar arzulamışdır.
