XOCALI SOYQIRIMI
Azərbaycan xalqı qədim tarixi köklərə malik olan dünya xalqlarındandır. Tarix boyu qonaqpərvərlik , humanistlik və alicənablıq xalqımıza bəzən uğursuzluqlar da gətirmişdir. Buna ən bariz nümunə mənfur düşmənimiz olan ermənilərə öz doğma yurdunda yer verən xalqımıza qarşı vəhşi münasibətləri və qəddar hərəkətləri idi. 1992-ci ilin fevral ayının 25-dən 26-na keçən o qarlı-şaxtalı gecədə erməni faşistləri Rusiyanın 366-cı moto-atıcı alayının köməkliyi ilə Xocalı şəhərini mühasirəyə alıb hücuma keçdilər. Həmin gecə erməni və rus hərbiçiləri insanlıqdan təmamilə kənara çıxaraq bəşər tarixində görünməmiş cinayət və vəhşiliklər törətdilər.
Xocalı soyqırımı zamanı 613 nəfər öldürülmüş, 1275 nəfər girov götürülmüş, 150 nəfərin taleyi indiyədək məlum deyil.Qətlə yetirilənlərin 3-ü uşaq, 70-i qoca və 106-sı qadın olmaqla yanaşı 8 ailə ümümiyyətlə məhvə düçar qalmışdır.
Məktəbimizdə Xocalı soyqırımı faciəsinin 30 illiyinə həsr olunmuş silsilə tədbirlər keçirilmişdir. Ədəbi - bədii tədbiri məktəbin Azərbaycan dili və ədəbiyyat müəllimi Məhərrəmova Nigar şagirdlərlə hazırlamışdır. Məktəbin foyesində Texnologiya müəllimləri Məmmədova Sima, Gülmalıyeva İlahə, Yusifova Mehriban və İmanova Nəzakət şagirdlərlə hazırladıqları əl işləri və rəsmlərdən ibarət “Soyqırım guşəsi” hazırlamışlar. İbtidai sinif müəllimləri Cəlilova Sevda və Rəhimova Xanımzadə Xocalı faciəsinə həsr olunmuş dərslər təşkil etmişlər.
Tədbirdə və keçirilən dərslərdə çıxış edən məktəbin direktoru Rövşən Qasımov Xocalı faciəsi ilə bağlı o dövrdə baş verən hadisələri faktlarla müəllimlərin və şagirdlərin nəzərinə çatdırdı.Eyni zamanda 44 günlük müharibədəki Zəfər qələbəmizdən ürəkdolusu danışdı.
