Erkən nikah-savadsızlıqdan doğan cəhalətdir
17 Dekabr 2023-cü il tarixində məktəbin psixoloqu Könül Ağayeva 8-9-cu siniflərin qızları ilə maarifləndirici seminar keçirdi.K.Ağayeva bildirdi ki,erkən nikah ailə anlayışı və həyatı hələ kifayət qədər dərk etməmiş,psixoloji cəhətdən ailə quracaq qədər formalaşmamış yeniyetmələr ilə bağlanan nikahdır.Bu tip nikahlar bizim yaşadığımız regionda da tez-tez baş verir.Əsasən valideynlərin təkidi ilə formalaşan erkən nikahda eyni zamanda qohumların,dostların,bir sözlə sosial çevrənin də rolu böyükdür.Seminarda iştirak edən qızlar şahidi olduqları erkən nikah hallarından danışdılar.Onlar bildirdilər ki,uşaqlar təhsildən uzaqlaşdırılmamalı,onların hüquq və azadlıqları əllərindən alınmamalıdır.
