“Qarabağ zəfəri” inşa müsabiqəsi
Martın 30-da Suraxanı rayon 316 saylı tam orta məktəbində Bakı Şəhəri üzrə Təhsil İdarəsinin 2020-2021-ci tədris ili üçün "Fəaliyyət planı''na uyğun olaraq "Azərbaycan Ordusunun Vətən müharibəsində 44 günlük zəfər yürüşü və dünya hərb tarixində açdığı yeni səhifə" adlı inşa müsabiqəsi keçirildi. Müsabiqənin keçirilməsində məqsəd Vətənimizin ərazi bütövlüyü uğrunda gedən döyüşlərdə Azərbaycan əsgərinin qəhrəmanlığının tərənnüm edilməsi və şəhid olanların xatirəsinin əbədiləşdirilməsi, Azərbaycanın tarixi qələbəsinin təbliğ edilməsi, gənc nəslin vətənpərvərlik ruhunda tərbiyə olunması, məktəblilərə milli həmrəylik və qəhrəmanlıq kimi ülvi hisslərin aşılanması, şagirdlərin istedad və yaradıcılıq potensialının inkişaf etdirilməsindən ibarətdir.
