XOCALI SOYQIRIMINI UNUTMA!
24 fevral tarixində məktəbimizdə Xocalı soyqırımının 24-cü ildönümü münasibətilə tədbir keçirildi.Soyqırım qurbanlarının xatirəsi bir dəqiqəlik sükutla yad edildikdən sonra, tədbiri giriş sözü ilə açan məktəbin direktoru Z.Bayramov 1992-ci il fevralın 25-dən 26-na keçən gecə Ermənistan silahlı qüvvələri və 366-cı motoatıcı alayının iştirakı ilə Xocalı şəhərində azərbaycanlılara qarşı həyata keçirilən, Azərbaycan tarixinə ən dəhşətli və faciəli səhifələrdən biri kimi daxil olan bu soyqırım zamanı 63-ü uşaq 106-sı qadın 70-i qoca olmaqla 613nəfərin qətlə yetirildiyini bildirdi. Şagirdlər Xocalı soyqırımına həsr olunmuş şeir və kompozisiyalarla çıxış etdilər.
