XI sinfi bitirən şagirdlər üçün “Son zəng” çalındı
Bu gün 313 nömrəli tam orta məktəbdə XI sinfi bitirən şagirdlər üçün “Son zəng” çalındı.
Tədbirdə çıxış edən məktəbin direktoru Zakir Bayramov müstəqil həyata qədəm qoyan məzunları bayram münasibəti ilə təbrik etdi. Həyatın çətin sınaqlarının bundan sonra başladığını vurğulayan direktor hər il olduğu kimi, bu il də 313 saylı tam orta məktəbi bitirən məzunların əksəriyyətinin tələbə adına layiq görüləcəyinə, xalqımızın gələcəyi naminə görülən böyük işlərin iştirakçılarına çevriləcəyinə inamını ifadə etdi.
Məktəb məzunları mahnılar və rəqslərdən ibarət konsert proqramı nümayiş etdirdiiər. Məktəb həyatına əlvida deyən məzunlar doğma məktəbə və onlara dərs deyən müəllimlərə minnətdarlıqlarını çatdırıdılar.
