20 Yanvar faciəsini unutmayaq
19.01.2018-ci il tarixində Binəqədi rayonu 313 nömrəli tam orta məktəbdə 20 yanvar faciəsinə həsr olunmuş tədbir keçirildi.
Yanvar faciəsinə həsr olunmuş tədbirdə məktəbin direktoru Zakir Bayramov çıxış edərək demişdir ki, 20 Yanvar faciəsindən 28 il ötür. Ancaq həmin o məşəqqətli günlər hər birimizin yaddaşına əbədi həkk olunub. Həmin gün Azərbaycan tarixində qanla yazılmış bir səhifədir. Bakının ən mötəşəm məkanında Vətən uğrunda canlarını qurban vermiş mərd, igid oğul və qızlarımızın uyuduğu Şəhidlər Xiyabanı xalqımız üçün müqəddəs bir and yerinə, milli iradəmizin şanlı-şərəfli bir salnaməsinə çevrilib. Şəhidlərimiz və Şəhidlər Xiyabanı azadlığımızın, müstəqilliyimizin, milli iradəmizin simvolu kimi bundan sonrakı nəsillərə də bir qürur mənbəyi olacaqdır.
