“20 Yanvar – Xalqımızın qəhrəmanlıq tarixidir”
313 nömrəli tam orta məktəbdə “20 Yanvar – Xalqımızın qəhrəmanlıq tarixidir” mövzusunda tədbir keçirilmişdir. Məktəbin direktoru Zakir Bayramov 1990-cı ilin 20 yanvarında SSRİ silahlı qüvvələrinin M. Qorbaçovun göstərişi ilə xalqımıza qarşı törətdiyi cinayətdən və bu qanlı hadisənin miqyasından geniş şəkildə bəhs etdi. O, həm də göstərdi ki, bu hadisələr Azərbaycan xalqını azadlığa aparan bir yolun başlanğıcı idi.
Tədbirdə şagirdlərin hazırladığı kompozisiyalar və şeir nümunələri valideynlərin və şagirdlərin böyük rəğbəti ilə qarşılandı.
