307 nömrəli tam orta məktəb

    23 Aprel Ümumdünya Kitab və Müəlliflik Hüququ Günüdür. 

    Aprelin 23-ü 2024-cü il tarixdə Azərbaycan dili və ədəbiyyat müəllimi Quliyeva Gülnar 7"ə" və 7"x" siniflərinin şagirdlərindən ibarət yaratdığı "Mütaliə sinfi" ilə birgə "Oxuduqlarımız və öyrəndiklərimiz" mövzusunda müzakirə təşkil etmişdir. 

    Müzakirə zamanı şagirdlər ən sevdikləri qəhrəmanlar və əsərlər haqqında məlumat vermiş, nə öyrəndiklərini bildirmiş, bu günə kimi oxuduqları kitablar haqqında hesabat aparmışdılar.

    Müxtəlif əsərlərdən səhnəcikləri obrazların rəsmini çəkərək təqdim etmişdirlər. Kitab və onun əhəmiyyəti ilə bağlı qrup işləri hazırlamışdırlar.

    Təlim-tərbiyə işləri üzrə direktor müavinləri Könül Həsənova, Aytəkin Əliyeva, Şeyda Abbasova, psixoloq Lətafət Musayeva iştirak etmiş, şagirdlərə öz tövsiyələrini vermişdirlər. 

    Kitabları yalnız oxumaq deyil,əsas şərt ordan öyrəndiklərini düzgün mənimsəməkdir. Şagirdlərlə müxtəlif suallar ətrafında müzakirə aparmışdırlar. 

    Psixoloq M.Lətafət şagirdlərə "Polyanna sindromu" haqqında məlumat vermişdir.

    Sonda Q.Gülnar şagirdlərə kitablar hədiyyə etmiş, növbəti müzakirə olunacaq əsərlər seçilmişdir.

    Aprelin 23-ü 2024-cü il tarixdə "Rəqəmsal bacarıqlar" layihəsinin məktəb üzrə məsul şəxsinin Fəaliyyət Planına əsasən məktəbin direktoru Nizami Qasımzadə tərəfindən 7"C" və 7"E" siniflərində layihənin işlənilməsi, tapşırıqların həlli, elektron vəsaitlərin əlçatan olması prosesi izlənilmişdir.

    Aprelin 22-si 2024-cü il tarixdə F-103 nömrəli əmrin 4.1-ci yarımbəndinə əsasən UBTR, sinifdənxaric və məktəbdənkənar tərbiyə işləri üzrə təşkilatçı vəzifəsini icra edən Sərxan Şahverdiyev 7"Ə" sinif şagirdləri üçün "Davranış və ünsiyyət mədəniyyəti" adlı maarifləndirici seminar təşkil etmişdir.

    Mövzu ilə əlaqədar olaraq S.Şahverdiyev şagirdlərə ətraflı məlumatlar vermiş, onlarla diskussiya etmişdir.

    Təlim-tərbiyə işləri üzrə direktor müavini Samirə Sadıqova Fəaliyyət Planına uygun olaraq 1-ci siniflərdə riyaziyyat fənnindən monitorinq keçirildi.

    Monitorinqin keçirilməsində əsas məqsəd müvafiq standart üzrə bilik və bacarıqların hansı səviyyədə formalaşdığını müəyyən etmək, keyfiyyətin artırılması istiqamətində tədbirlər görməkdir.

    Aprelin 20-si 2024-cü il tarixdə "Dahi Azərbaycan şairi Məhəmməd Füzulinin 530 illiyinin qeyd edilməsi haqqında" Azərbaycan Respublikası Prezidentinin Sərəncamının icrası ilə əlaqədar "Məktəblərdə Məhəmməd Füzuli ayı" adlı Tədbir Planına əsasən Azərbaycan dili və ədəbiyyat müəllimi Pərvin Hacıyeva, sinif rəhbəri Cahid İbadov və 9"Ə" sinif şagirdləri Miniatür Kitab Muzeyi və Nizami Gəncəvi adına Milli Azərbaycan Ədəbiyyat Muzeyinə ekskursiya etmişdirlər.

    Hər iki muzeyə ekskursiya zamanı Azərbaycan dili və ədəbiyyat müəllimi H.Pərvin şagirdləri kitablarla tanış etmiş, onlara maarifləndirici məlumatlar vermişdir.