Alqoritm və yeni texnologiyalar
İnformasiya-kommunikasiya texnologiyalarının tədrisinin təkmilləşdirilməsi, uşaqlarda yaşına uyğun innovativ vərdişlər yaradılması, uşaqların texniki yaradıcılıq potensialının və alqoritmik düşüncə bacarıqlarının artırılması məqsədilə məktəbin informatika müəllimi 5 və 8-ci siniflərdə maarifləndirici tədbirlər təşkil etdi.
Elnarə müəllimə 5-ci sinifdə “Alqoritm” mövzusunda maarifləndirici videoslayd hazırladı, alqoritmin insan həyatında mühüm rolunu uşaqların nəzərinə çatdırdı.
İnformatika müəllimi 8-ci sinif şagirdlərilə isə “Yeni texnologiyalar” mövzusunda müasir texnoloji avadanlıqlar, dronlar, robotlar haqqında şagirdlərə mühazirələr oxudu və videoslaydlar təqdim etdi.