303 №-li ümumi orta məktəb

2024 – 2025 – ci tədris ili ərzində  M.Məmmədov adına 303 nömrəli ümumi orta məktəbdə təhsil alan şagirdlər, Elm və təhsil Nazirliyi tərəfindən ümumtəhsil  məktəblərinə göndərilən layihələrdə fəal iştirakına, RFO – da qazandığı nailiyyətlərinə, məktəbin ictimai işlərində və tədbirlərində aktiv fəaliyyətinə, nizam – intizamına, nümunəvi davranışına, davamiyyətinə,  Beynəlxalq bilik və yarışlarında ( Kenquri, King) əldə etdikləri yüksək nailiyyətlərə və tədris ilini əla qiymətlərlə bitirdiyinə görə diplomlarla təltif edilmişdir.

  Məktəbin direktoru P.V.Rzayeva  təltif edilmiş şagirdlərlə xatirə şəkli çəkdirmişdir.

Məktəbin 7b sinif şagirdi Aytac Elsever qızı Zərbəlizadənin “Rəngarəng dünyam” adlı fərdi sərgisi təşkil olundu.

  Texnologiya müəllimi Əliyeva Xanım Cahanşah qızının rəhbərliyi ilə 7a və 8a siniflərində təhsil alan akademistlərin iştirakı ilə təqdimat keçirtdi.    

       Təqdimatın keçirilməsində məqsəd robotexnika proqlaşdırma  və texnologiya sahələrinə marağı artırmaq üçün müxtəlif yaş qrupları üçün xüsusi təlim proqramları və müsabiqələrin keçirilməsi şagirdlərin öz maraqlarina uyğun rəqəmsal layihələrə qatılmalarını təmin edən onlayn platformalardan düzgün, keyfiyyətli istifadəsi haqqında maarifləndirmə işini həyata keçirtməkdir.

2024 -2025 – ci tədris ilinin II yarımilinin üçün nəzərdə tutulmuş Azərbaycan dili, Riyaziyyat və İngilis dili IV – VIII siniflərdə BSQ  keçirildi.

Bakı Şəhəri üzrə Təhsil İdarəsinin tabeliyində fəaliyyət göstərən təhsil müəssisələrində 28 May-Müstəqillik Günü ilə bağlı tədbirlər keçirilib.

Dövlət himninin səsləndirilməsi ilə başlayan tədbirlərdə şərqdə ilk demokratik respublika olan Azərbaycan Xalq Cümhuriyyətinin yaranma tarixi, keçdiyi inkişaf yolu, cümhuriyyətin mövcud olduğu qısa müddətdə xalqımızın mədəni inkişafına, elm, təhsil sahəsinin tərəqqisinə verdiyi töhfələr barədə şagirdlərə geniş məlumat verilib. 

 Həmçinin ölkəmizin müstəqilliyi bərpa olunduqdan sonra qazanılmış uğurlardan, dövlət quruculuğu sahəsində ümummilli lider Heydər Əliyevin əvəzsiz xidmətlərindən bəhs edilib. Ulu öndər Heydər Əliyevin siyasi kursunun Prezident İlham Əliyev tərəfindən uğurla davam etdirildiyi nəzərə çatdırılıb.

Şagirdlər müstəqilliyə, vətənpərvərliyə həsr olunmuş şeirlər söyləyib, mahnılar oxuyub, ədəbi-bədii kompozisiyalar nümayiş etdiriblər.