303 №-li ümumi orta məktəb

Məktəbimiz Qarabağ döyüşlərində qəhrəmancasına həlak olmuş şəhid Mirzəağa Məmmədov Ağaəli oğlunun adını daşıyır.Məmmədov Mirzəağa  Ağaəli oğlu 1959-cu il martın 20-də Qaradağ r-nu Ələt qəsəbəsində anadan olmuşdur.1966-cı ildə 26№-li (indiki 303№-li ümumi orta məktəb)məktəbin 1-ci sinfinə qəbul olunmuşdur 1973-cü ildə 8-ci sinfi  bitirmiş. Ələt körpü  qəsəbəsindəki 25№-li (302 saylı) məktəbdə təhsilini davam etdirmişdir.1976-cı ildə 59 saylı Texniki Peşə məktəbinin operator kursuna daxil olmuşdur. Oranı müvəffəqiyyətlə  bitirmişdir.1977-ci ildə keçmiş Sovet ordusunun hərbi xidmətinə çağırılmış,Rusiyanın Tümen Şəhərində Daxili qoşunlara məxsus orduda xidmət etmişdir.Hələ hərbi xidmətdə olarkən özünü yaxşı aparmış, 2 dəfə tərifnaməyə layiq görülmüşdür.1979-cu ildə hərbi xidmətini başa çatdırmışdır.Ələt körpü qəsəbəsindəki vaqon təmiri DEPO-sunda işləmiş,sonra N.Nərimanov adına N.Q.Ç.İ-də maşinist vəzifəsində çalışmışdır.Oradan da könüllü olaraq Azərbaycan ərazisinin bütövlüyü uğrunda Qarabağ döyüşlərinə yollanmış və Ağdərə döyüşlərində qəhrəmancasına həlak olaraq şəhidlik zirvəsinə ucalmışdır.