11-ci Azərbaycan Beynəlxalq Təhsil Sərgisi keçirildi
Bu gün Bakı Ekspo Mərkəzində Təhsil Nazirliyinin rəsmi dəstəyi ilə 11-ci Azərbaycan Beynəlxalq Təhsil (“Education 2017”) sərgisi keçirildi. Sərgidə məktəbimizin 9 b sinif şagirdləri də iştirak edirdi. Sərgidə son illərdə Təhsil Nazirliyi tərəfindən həyata keçirilən yeni layihələr və mövcud təhsil imkanları təqdim olundu. Sərgi çərçivəsində Bakı Dövlət Universiteti, Azərbaycan Dövlət Neft və Sənaye Universiteti, Fransız-Azərbaycan Universiteti,Azərbaycan Dövlət İqtisad Universiteti, Azərbaycan Dövlət Pedaqoji Universiteti, Bakı Mühəndislik Universiteti, Azərbaycan Memarlıq və İnşaat Universiteti və ümumilikdə 14 ali təhsil müəssisəsinin stendləri yer almışdır. Eyni zamanda Almaniya, Avstriya, Belarus, İtaliya, Latviya, Macarıstan, Rusiya və digər ölkələr universitet, kollec, ümumi təhsil müəssisələri və təhsil mərkəzlərini təqdim etdilər. Səhnədə isə respublika və beynəlxalq yarışların qalibləri, müsabiqə laureatları öz bacarıqlarını təqdim etdi və milli rəqslər ifa olundu.
