Respublika Fənn Olimpiadalarının məktəb mərhələsi baş tutdu.
Oktyabrın 31-də məktəbimizdə Respublika Fənn Olimpiadalarının məktəb mərhələsi baş tutdu. Məktəbin istedadlı şagirdləri arasında keçirilən bu mərhələ, şagirdlərin müxtəlif fənlər üzrə bilik və bacarıqlarını nümayiş etdirməsi üçün əla fürsət oldu. Məktəbdaxili mərhələdə şagirdlər təbiət elmləri, riyaziyyat və humanitar fənlər üzrə öz biliklərini sınadılar.
Məktəb rəhbərliyinin və müəllim heyətinin dəstəyi ilə seçilən şagirdlərə xüsusi hazırlıq dərsləri təşkil ediləcək. Bu hazırlıq prosesində, olimpiada iştirakçıları nəzəri biliklərini dərinləşdirmək və tətbiqi bacarıqlarını inkişaf etdirmək üçün intensiv məşqlər keçəcəklər.
R.Əliyev adına 3 nömrəli tam orta məktəbin rəhbərliyi, bütün iştirakçılara uğurlar arzulayır və onların şəhər turunda da məktəbimizi layiqincə təmsil edəcəyinə inanır.
