20 Yanvar Ümumxalq Hüzn Gününə həsr olunmuş tədbir keçirildi.
Rüstəm Əliyev adına 3 nömrəli tam orta məktəbdə 20 Yanvar Ümumxalq Hüzn Gününə həsr olunmuş tədbir keçirildi. Tədbirdə Binəqədi Rayon İcra Hakimiyyətinin İctimai-siyasi və humanitar məsələlər şöbəsinin baş məsləhətçisi, təhsil kuratoru Leyla Quliyeva, Respublika Veteranlar Təşkilatının gənclərin vətənpərvərlik tərbiyəsi və ideoloji hazırlıq şöbəsinin aparıcı mütəxəssisi Rasim Mirzəyev, Binəqədi Rayon Veteranlar Təşkilatının sədri Teyyub Həsənov iştirak edirdilər.
Tədbir öncəsi məktəbimizin adını daşıyan 20 Yanvar şəhidi Rüstəm Əliyevin xatirə guşəsi ziyarət edilərək, önünə qərənfillər qoyuldu.
Sonra qonaqlar şagirdlərimizin hazırladığı 20 Yanvar faciəsinə həsr olunmuş rəsm sərgisi ilə tanış oldular.
Sonra tədbirimiz məktəbimizin akt zalında şagirdlərimizin “Azadlıq marşı”nın ifası ilə davam etdi.
Tədbirin rəsmi hissəsində çıxış edən qonaqlar, Binəqədi Rayon İcra Hakimiyyətinin İctimai-siyasi və humanitar məsələlər şöbəsinin baş məsləhətçisi, təhsil kuratoru Leyla Quliyeva, Respublika Veteranlar Təşkilatının nümayəndəsi Rasim Mirzəyev, Binəqədi Rayon Veteranlar Təşkilatının sədri Teyyub Həsənov 20 Yanvar faciəsinin xalqımızın mübarizə tarixi üçün əhəmiyyətindən bəhs etdilər. Məktəbin tarix müəllimi Vətən Hüseynov da bu günün tarixi və milli yaddaşımızdakı yerinə dair çıxış etdi.
Tədbirin bədii hissəsində məktəbimizin istedadlı şagirdləri vətənpərvərlik mahnılarını ifa edərək, 20 Yanvar gününü əks etdirən şeir və səhnələrlə çıxış etdilər. Şagirdlərimizin hazırladığı kompozisiya tədbir iştirakçıları tərəfindən böyük maraqla qarşılandı.
Bu tədbir bir daha şəhidlərimizin xatirəsini əziz tutduğumuzu və gənc nəsildə vətənpərvərlik hisslərini gücləndirməyi qarşımıza məqsəd qoyduğumuzu göstərdi.
Tədbirin sonunda Əməkdar müəllim, pedaqogika üzrə fəlsəfə doktoru, məktəbin direktoru Almaz Həsrət çıxış edərək, şagirdlərin təqdim etdiyi proqramı yüksək qiymətləndirdi və onların bu ruhda yetişməsinin önəmini vurğuladı.
