3 nömrəli məktəbdə sinif rəhbərləri ilə iclas keçirildi
3 nömrəli tam orta məktəbin təşkilatçısı Fatimə Vəliyevanın rəhbərliyi ilə sinif rəhbərlərinin iclası baş tutdu. İclasda sinif rəhbərinin hüquqları, vəzifə öhdəlikləri və fəaliyyət istiqamətləri müzakirə olundu. Vəliyeva, sinif rəhbərlərinin təhsil prosesindəki əhəmiyyətini vurğulayaraq, onların əsas rollarına diqqət çəkdi.
Görüş zamanı 2024/2025-ci tədris ilində qarşıda duran vacib məsələlər də gündəmə gətirildi. Məktəbin ümumi təhsil strategiyasının inkişafı və sinif rəhbərlərinin məsuliyyətlərinin artırılması istiqamətində işlərin daha effektiv qurulması məqsədi ilə təkliflər irəli sürüldü.
Fatimə Vəliyeva qeyd etdi ki, yeni tədris ilində sinif rəhbərləri şagirdlərin intellektual və mənəvi inkişafına daha çox önəm verməlidir.
