Təhsildə əyanilik
28.10.2017-ci il tarixdə 29№-li tam orta məktəbin biologiya müəllimi Raifə Quliyeva və sinif rəhbəri Gülşən Quliyevanın rəhbərliyi ilə 8”C” sinif şagirdləri Binəqədi rayonu Biləcəri qəsəbə Bələdiyyəsinin nəzdində olan 27№-li qazanxana istilik sisteminin açılışında oldular.
Açılışda Biləcəri Bələdiyyəsinin sədri Hikmət Quliyev, qazanxananın rəisi Sədrəddin Əliyev və digər bələdiyyə və qazanxana işçiləri iştirak edirdilər.
S.Əliyev şagirdləri qazanxananın iş rejimi ilə tanış etdi, onlara təhlükəsizlik qaydaları haqqında məlumat verdi.O, qeyd etdi ki,271№-li qazanxana ətrafda olan 10 binanı istiliklə təmin edəcək. Şagirdləri maraqlandıran suallar cavablandırıldı.
Raifə müəllim şagirdlərin bu açılışda iştirakını yüksək qiymətləndirərək qeyd etdi ki,"Biologiya" və "Həyat bilgisi" dərslərində tədris olunan "Sağlam həyat, sağlam ailə","Təhlükəsizliyin qorunması" mövzülarının mənimsənilməsi üçün bugünki açılış böyük əhəmiyyətə malikdir.Şagirdlər burada əldə etdikləri biliklərdən dərslərində istifadə edəcəklər
