Şəhidin anım günü qeyd olunub..
Şəhid Elvin Bayramovun anım gününə həsr olunmuş "Sizdən bizə əmanətdir bu Vətən" adlı tədbir keçirildi. Şəhidin adını daşıyan 7B sinfinin rəhbəri Elnurə Məmmədovanın təşkilatçılığı və həmin sinfin şagirdləri tərəfindən araya-ərsəyə gətirilən tədbirdə şəhidin ömür yolunu əks etdirən məlumat dinlənildi, vətənpərvərlik ruhunda mahnılar oxundu, şeirlər söylənildi.
Tədbirin sonunda məktəbin direktoru Xatirə Hacıyeva çıxış etdi.
Daha sonra məktəbin "Hər şəhidin şərəfinə bir ağac əkək" aksiyasına uyğun olaraq Elvin Bayramovun şərəfinə ağac əkildi. Aksiyada məktəb rəhbərliyi, valideynlər, müəllim və şagird kollektivi iştirak etdi.
